பக்ரீத் (2013)

தேகமெங்கும் பனித்துளிகள் மின்னும்

இந்த நனைந்த ரோஜா

என்ன சொல்கிறது?

செம்மறியின் தியாக ரத்தத்தில்

இஸ்மாயீல் நபியின் கண்ணீர்த் துளிகள்!

இந்த தியாகத் திருநாளில்

அந்தச் செம்மறியின் தியாகத்தை

நினைவு கூர்கிறேன் 

இஸ்மாயில் நபியின்

இதயம் பேசுவதைக் கேட்கிறேன்:

“முஹம்மதின் வருகைக்காகவே

உயிருடன் இருக்க வேண்டும் நான்!

முஹம்மதின் வருகைக்காகவே

உயிரை அர்ப்பணித்திருக்கிறாய் நீ!”