சிரப்பணிவு

உன்னையன்றி

வேறெவரும் அறியார்

எங்கெங்கே உன்னைக் கண்டு

தலைசாய்த்தேன் நான் என்று

எப்பொருளில் நீ வெளிப்பட்டபோதும்

உனக்குத்

தலைசாய்த்துவிடுகிறது

உள்ளம்

யாருக்கும் தெரிவதில்லை

உன் பாதங்கள்

யாருக்கும் தெரிவதில்லை

என் சிரப்பணிவு

உன்னை நீ வெளிப்படுத்த

அநேக வழிகள் உனக்கு

என் சிரப் பணிவுக்கோ

ஒரே வழிமுறை மட்டுமே…

உன்னில் கரைந்து

தான் இல்லாமலாவது

தொழுகைகளால்

என் நெற்றி காய்க்கவில்லை

எனினும்

இதயத்தைக் கனியவைத்தாய்

இறைவா!

என்னில் உன்னைக் காட்டி

என்னைப் பணியவைத்தாய்!