Sunday, October 13, 2013

ஹுசைன் (ரலி)


அடியேனின் மனதில்
அலைகள் அடித்தது
இக்பாலின் இதயவரி:
ஹுசைனின் படுகொலை உண்மையில்
யஸீதின் மரணமே!
ஒவ்வொரு கர்பலாவிற்குப் பின்னும்
உயிர்த்தெழுகின்றது இஸ்லாம்

இஸ்மாயீலின் கழுத்தில் நிறுத்தப்பட்டது
ஹுசைனின் கழுத்தில் நிறைவேறிவிட்டது!

”திண்ணமாய் எனது
தொழுகையும் தியாகமும்
வாழ்வும் மரணமும்
அகிலங்கள் அனைத்தின் ரட்சகனுக்கே”
என்னும்
ஆயத்தின் விரிவுரை
ஆனார் ஹுசைன்

அது ரணம் அல்ல, இரணம்!
அது மரணம் அல்ல, மணம்!

உம்மத்தின்
உயர்வுக்காகத்
தலை கொடுக்கத்
தயாராய் இருப்பவனே
தலைவன் என்னும்
தத்துவத்திற்கு
உமர் முதற்பிறை
உஸ்மான் வளர்பிறை
அலீ முழுநிலா
அதன் பிரகாசம் ஹுசைன்!

முஹம்மதின் வாளின் நிழல் அலீ!
அந்த நிழலின் நிம்மதி ஹுசைன்!

முஹம்மதின் நினைவில்
மூழ்கியிருந்தேன்
உள்ளத்தில் குரலொன்று
உரக்க உரைத்தது:
‘என் உம்மத்தின் ரத்தவகை
ஹுசைன் பாசிடிவ்!’


a


No comments:

Post a Comment