ஐம்புகழ்

                             

மூலவன் பண்டு

முதற்கோல் கொண்டு

வானேட்டில் வரைந்த

வேத வாசகம்

நாமம் போற்றிப் பின்

நாதனைப் போற்றி

ஐம்புகழ் ஓதும்

நாத வாசகம்

உலகம் யாவும்

தாமுள வாகிய

துமிகள் ஓதும்

தூயோன் துதிப்பு.

அழகன் அன்பன்

அவனின் தூதரின்

அகத்தில் எழுந்த

அருளின் உதிப்பு.

குறிப்பு: ”எல்லாப் புகழும் இறைவனுக்கே!” (’அல்ஹம்துலில்லாஹ்’ என்பதன் தமிழாக்கம். அஃது, திருக்குர்ஆனின் முதல் அத்தியாயத்து முதல் திருவசனத்தின் ஆரம்பச் சொற்றொடர்.) ’அல்ஹம்து’ என்பது அறபியில் ஐந்தெழுத்துச் சொல். (அச்சொல்லைத் தமிழில் எழுதினும், மொழிபெயர்த்துத் ’திருப்புகழ்’ எனினும் ஐந்தெழுத்தே)). அதுவே ஐம்புகழ் என்ப்பட்டது. ஐந்தெழுத்துப் புகழ் என்க.